Mat 1 | MMX | STEP | Anai ni leretere ri levenasen at lavalabat at ne Iesu Karisito, neni livisik li at ne Devit, la ne Devit neni livisik li at ne Abaram.

aAis 7:14

Matthew 1

Leretere Ri Lavalabat At Ne Iesu

(Lu 3:23-38)

1 Anai ni leretere ri levenasen at lavalabat at ne Iesu Karisito, neni livisik li at ne Devit, la ne Devit neni livisik li at ne Abaram. 2 Abaram neni ne temen ne Aisak; Aisak neni ne temen ne Jakop; Jakop neni ne temen ne Juda eburu mi luvutneton; 3 Juda neni ne temen ne Peres mi ne Sara. (Nenen du laasen teren ne Tema); Peres neni ne temen ne Esron; Esron neni ne temen ne Ram; 4 Ram neni ne temen ne Aminadap; Aminadap neni ne temen ne Nason; Nason neni ne temen ne Salmon; 5 Salmon neni ne temen ne Boas (Raap neni nenen); Boas neni ne temen ne Obet (Rut neni nenen); Obet neni ne temen ne Jesi. 6 Jesi neni ne temen ne Devit, loorong silok.

Devit neni ne temen ne Solomon (nenen ni latkin at ne Uraia); 7 Solomon neni ne temen ne Roboam; Roboam neni ne temen ne Abaisa; Abaisa neni ne temen ne Asa; 8 Asa neni ne temen ne Josepat; Josepat neni ne temen ne Jonam; Jonam neni ne temen ne Usaia; 9 Usaia neni ne temen ne Jotam; Jotam neni ne temen ne Eas; Eas neni ne temen ne Esekia; 10 Esekia neni ne temen ne Manase; Manase neni ne temen ne Amon; Amon neni ne temen ne Josaia; 11 Josaia neni ne temen ne Jekonia eburu mi luvutneton. Ap mo levenaleng limixin esep boro Babilon diga lok ka limixin me Israel uto Babilon ti loxokoxo.

12 Melemu at nai, ne Jekonia neni ne temen ne Salatiel; Salatiel neni ne temen ne Serababel; 13 Serababel neni ne temen ne Abiut; Abiut neni ne temen ne Eliakim; Eliakim neni ne temen ne Aso; 14 Aso neni ne temen ne Sadok; Sadok neni ne temen ne Akim; Akim neni ne temen ne Eliuda. 15 Eliuda neni ne temen ne Eliasa; Eliasa neni ne temen ne Matan; Matan neni ne temen ne Jakop; 16 Jakop neni ne temen ne Josep, latlok at ne Maria, nenen ne Iesu, ga ruuna ka laasen do Lanarong.

17 Kuren la i ru ka i at ne Abaram la uto at ne Devit ga epovo at lasangaun mi lavanuet lavaola. La i ru ka i at ne Devit i se leme Babilon diga lok ka limixin me Israel uto Babilon ga epovo at lasangaun mi lavanuet lavaola. La i ru ka i melemu at loxokoxo at limixin me Israel to Babilon la i se at livipisik at Lanarong ga epovo at lasangaun mi lavanuet lavaola.

Livipisik At Ne Iesu Karisito

(Lu 2:1-7)

18 Anai ni leretere ri livipisik at ne Iesu Karisito. Maria, nenen ne Iesu diga ora ka i xusu latkin ti ne Josep, ketla kovisi du goxo epot, Maria ga long lenget ka i do neni mo ga balan madak mi lololos at Loroonan Kaala. 19 Ne Josep, latlok teren, neni lagale laradi la ga mumu asu avukat Lenavolo at ne Moses; ga lok lodoxoma ren kusu na ke xepe ne Maria. Ketla neni goxo vara i xusu na lox amangan i ro at lemeren limixin axap. Neni ga lok do na lok kepe nemnem mene i.

20 Josep gam doma mumu i na la at lara laxanimin laangelo at ne Moroa ga vot saparav i at loromtobo la ga lok, “Josep. Livisik li at ne Devit. Nemen gat uta marat kusu una lok ka ne Maria ngan latkin tu, mila mo labalan madak neni i ruuna i, neni at Loroonan Kaala. 21 Neni naba visik lamdak temes la uba so asen i mi ne Iesu, (Lavasuun teren do laradi loklox arooro) mila neni naba lox arooro limixin teren basinge laxakapmek atdi.”

22 Ana lempanga axap ga vot kusu ri lox asorun levelinga at ne Moroa ga ravasu at lungusno at leeme vapaase alii ren, ga lok keretna,

23 ‘Tatkin maxat naba balan madak la naba visik tamdak temes la limixin diba so asen i mi ne Emanuel.’ ^a

Lavasuun teren do, ‘Moroa eburu midik.’

24 La ne Josep ga xatu kaxat ap mo laaleng petpes la ga mu asu levelinga at laangelo at Leeme Silok ne Moroa, la ni ga epot ka ne Maria. 25 Ketla neni goxo midi eburu mi ne Maria, se neni ga visik lamdak teren. La ne Josep ga so asen i mi ne Iesu.